Kabukiran

Kung ako nabudlayan ukon may himuon nga disisyon sa akon nga kabuhi, isa nga ginahimo nakon amo ang  pagkadto sa bukid kung sa diin makabaton ako sang inspirasyon ukon makapamatyag sang manami nga pamatyagan sang kasulhay kag kalinong (Pwede man kita makabaton sang inspirasyon biskan ari kita sa ubos ginahimo ko lang ni kaisa tungod nga gusto ko sang kalinong kag makita ang binuhatan sang Dios, ang iya wala tupong na pagpalangga).  Samtang nagapasaka ko sa bukid amat-amat na mabatyagan ko ang kabugnaw sang palibot, manami nga hangin, kag kalinong.  Sa idalum kung ara na sa babaw nga bukid makita ang panimalay nga ga dikit-dikit kag ang baybayon.  Kung ako pamangkuton ukon papilion diin nami tinir o maga istar-sa bukid ukon sa siyudad sa akon lng ya nga opinyon mas gusto ko sa bukid kay una manami ang palibot, mabugnaw, manani sang hangin, madamo sang kahoy ang huni lng sang pispis ang mabatian nga daw nagakanta, waay sang temtasyon sang material nga butang pwede ko katanum sa palibot sang mga utanon, ang  ginagaon priska. Ginapaminsar ko gani na magkaara ko balay na kung aga makita ko ang pag-muklat sang adlaw kag kung kahapunanon makita ko man ang pagpahuway sang adlaw. Kung may ara ko balay  sa bukid kag may ara lang ako salakyan kung sa diin magamit ko sa pag pangumpra sang pagkaon kag panakot, mga butang nga magamit nakon sa isa kabulan. Amo man sa pagdul-ong sa akon kabataan sa eskwelahan. Makatanum-tanum ko sang utanon, makapamanday, may internet connection lang ko para maka obra. Syempre indi man ko amo na ka bukid gid may mga gudget man parihos sang TV, components, kag iban pa para kung gab-i sa kalinong amo ina ang gamiton namon nga parti sang amon nga kalingawan.

Permi ko ini gina paminsar ang handum ko na pangabuhi simple lang kag sadya. sa akon lang na paminsaron nga daan nga kaisa kung napuno kita sang kagalong o gahod, damo na tao kag any time maka access kita sa worldly things bala. May tion nga wala na kita time sa aton nga pamilya, yes agree ko sa mga pamilya nga kabalo mag manage sang ila time nga kabalo sila maghatag man tion sa ila kabataan biskan naga estar sila sa syudad pero sa mga wala kag wala ma tudluan ano sila ayhan?  Lantawon naton sa bukid kanami sang pamilya kay kung aga alas 6am sa ila adlaw nana sa aton diya alas 10 temprano pa. Alas 7am gapamahaw na. Alas 12 sang ugto  mangaga naman pag ka alas 6 gadigamo naman na para sa pangapon. kag ga tipon sila para mag updanay na pamilya pagkatapos mangapon. Mas manami pagid tani nga pagkatapos pahingapon maka pag basa ang pamilya sang balaan nga kasulatan kag upod nga pagpangamuno bilang pamilya kung sa diin ang kabataan magadagku nga may pagpalangga sa Dios kag matun-an ang gawi sang Dios.

Ang isa lang sa nakita ko sa gwa sang pungsod kag sa aton diri sa Pilipinas. Sa ila ya ang ara sa bukid naga istar sa manami nga balay kung di man gid  biskan pano disinti nga pag pangabuhi. Sa aton di ya ang kuntra naton ang aton nga kaugalingon ang aton bala nga pagkatamaran. Nga ang kasami naton isalig naton sa gobyerno ang aton nga kalan-on ukon basolon ang gobyerno sa nagakatabo sa aton nga kita man gihapon nagahimo sang aton nga kaugalingon nga kapaslawan, isa sa mga halimbawa nakon sagay sila pungko kag basulong ang kaugalingon bangod namana ukon nangasawa timparano magbinasulay, may bagal ilimnon waay man ibakal bugas, sagay kutso-kutso waay man bunga, pila ka oras nagahatag tiniun  sa paglantaw tv kaysa pagpangita obra ukon pagobra. Nasadyahan kag ginahanga-an ko ang mga naga batas kag paninguha sa ila pagpangabuhi. Kabalo ako nga indi upang ang kapigaduhon sa pag uswag sang tao, sa pagkamatuod nagadipindi na sya sa aton nga pamatasan kag paglantaw sa kabuhi, paglantaw kag pagplano sa palaabuton, importante sa tanan ang Pagpangayo para pangayuon ang pag ubay sang mahal na Dios.