Nature

 Amo ni ang tiun nga kami nakaabot sa GUINTUBDAN Natures park Brgy. Araal, sakop sang siyudad sang La Carlota.  Ang lalaki nga nagatindog sa wala amo si Raymond

 Abaw, ang sa too naman na bahin amo si Jerry malapit ang balay ya dira kag nag hagaray kami pakadto sa sina nga Park

 Amo man gihapon pero sa sini nga tion nagayuhom na si partner Jerry but si Partner Raymond daw wala lang peo ang importante nga may picture sila. Kag amo na ang ginakalipay nila nga duha.

 Nag himo kami pamaagi na makaluto sang pagkaon, sa mabudlay nga pamaagi, ini nga pamaagi indi mabuhat sang ordinaryo lamang nga tinuga. Amo ang pagamit sang pusporo sa pag-pasiga sang gatung.

Ginatistingan namon ang amon nga hiligdaan kung maayu man ukon indi ang isa ka mga butang na notisyahan nakon, kag gin suggest ko sa kaupod ko amo ang pahilayon namon ang hiligdaan, gasandig kami, pero nagsala ako. Sa pagtulog namon sang gab i nagapanaog kami dapat gali flat ang hiligdaan indi gahilay. Ikaduha tungod first time ni namon abi nakon pag tugnaw waay lamok ay gin pestahan kami sang lamok sinang gab-i na kag mabatian gid namon ang bagrung nila.

Kita nyo na nagasiga na ang gatung gamit sang pusporo bali alas 5pm palang sang hapon pero nagutom na kami. Nagluto kami sang noodles kag kan-on. Ako na ang gahuyop pero di ako nagpasiga kay kung magpasiga ako ang mata ko ang nagasiga sa kasakit sang aso pero maubos lang ang pusporo la gihapon nagasiga ang dabok.

Sya ni ang nagpasiga, si Partner Jerry. Sagad ni siya kay iya gid ni linyada ang pag pasiga sang dabok, for information si partner Jerry gamay palang gina practice ya na ang amo ni nga mga butang, gani mga bata ang professional lamang ang makahimo sang amo ni nga butang. Joke lang!

Alas 5pm nagapangutod na kami sang kahoy kay dasig magdulom sa babaw sang bukid, bali ara kami sa tunga-tunga sang Can-laon nag camp. Makita ninyo na sa kilid nakatipon na kami sang mga kahoy nga gamiton namon sa tungang kagab-ihon kay kung aton pagaisipon basta ara sa bukid dapat may suga gid o kalayo para proteksyon sa mga sapat.

Ari na, ang kaldiro nga puti nag itom bangod sang aso sang dabok.

Nakakita si Jerry sang balagon kag iya ini gin tistingan parihos sang inyo nakita sa picture, damo balagon sa bukid. Ginhimo namon nag rest kami anay sa pag pangita sang kahoy kag nagkabit-kabit kami sa balagon.  Hambal ko gani daw ginakadlawan kami guro sang mga amo sa opisyo namon nga kabit-kabit.

Nagalantaw sila sa mga kahoy nga mga dalagko kag nahanga gid sila.  Para sa inyo impormasyon naglakat kami sang pila ka kilometro para makalab-ot kami sa sini nga doog. Ang kakapoy kag ang hangin sa damo gali mga kahoy nagid indi ko mayo makahaklo.

Nan-ari na ang noodles kag kan-on. nami kaon mo kulang gani ang amon nga pagkaon. Si partner Jerry gani gapanampoay kay kulang kuno..sa kilid kung makita nyo sa wala nag himo kami sang kutsara-kutsara kaso waay ko magamit kay indi kabalo ang nag obra.

May nakita si partner Raymond kag Jerry sa malayo, ano ato, gapaminsar sila na basi may nagtalang na baboy o manok sa wayang para maluto man nila.  Sa kabilogan nagtulog kami didto sa isa ka gab-i kag gaplano kami na mabalik didtop pero madala kami tent o biskan moskitiro para manami ang amon nga tulog.  Sa dason plano namon nga damo kami magkadto didto para  sadya.