Piso

Sang ako gamay pa, akon nadumduman sa edad nga pulo ka tuig ako nagaeskwela sa grade 4 sang tuig 1994. Ang amon nga iloy nagahatag sa akon sang balon. kaisa magpuli ko sa balay namon may nabilin pa ako sina nga piso, sang isa ka adlaw yawan ko pangita sang akon nga peso sa akon bulsa, isa nga naglabay sa akon paminsaron nga ginkuha sang akon nga manghod nga si biliboy.  Sa akon kainit nag kadto ako sa iya para nga hamabalon sya kung diin na ang akon nga kwarta nga a ginkawat ya. Ang akon kalolooy nga manghod nagahambal sa akon nga wala gid sya kakwa ya. Pero nagapamwersa gid ako nga ara sa iya. Ang akon mga kahampang nagatawag na sa akon nga mahampang na kami gani nagadali ako nga ihatag yana ang peso para makalakat na ako. Pero nagahambal gid ang akon nga manghod nga wala gid sya kakwa. sa akon kainit ginsumbag ko ang akon nga kalolooy nga manghod kag ginhambalan nga andaman yalang pagbalik nakon.  Sang ako nakapuli sa balay sang hapon na. waay man sa akon paminsaron na kuuton luwat ang bulsa sang akon delargo kag nakita ko ang peso.

Asta subong ara gihapon ang kasubo sa kaon paminsaron nga-a ginhimu ko ato sa akon nga utod. Nga-a sa peso lamang ginsumbag ko gid sya. May mga tion nga ang akon nga utod nagahambal sa akon nga mahampang kami ugaling wala ko gasapak sa iya kay para sa akon mas luyag ko pa na mag upod sa akon mga barkada sa iya.  Sa riyalidad nga ginatawag indi kona mabalik ang nanligad, sa subong tuman ang akon pagpalangga sa akon nga utod. ang akon nga asawa naga hambal sa akon nga-a waay ko nagakaon kung may upod kami nga kakilala namon.  Para sa akon indi ko kasaho nga ako nagakaon sangtang ang akon utod nagatulok lang sa akon parihos sang natabo sa akon utod mismo.

Namotibar ako sa akon nga kaugalingon nga una ang pamilya kaysa kwarta, gahambal na gani manghod ko subong nga-a kuno biskan d yaman kilan lan nagahatag ko sa iya. nagayuhom lang ko. Kabalo ako nga subo sadto ang natabo pero maayo kay bata palang ako nakamuklat na ako sa ginatawag nga realidad sang kabuhi.

may istorya gani nga ang isa ka amay sa iya nga pag sa kripisyo sa obra natuman ya ang iya nga handom nga makabakal sang duta kag makapatindog sang balay. kag sang isa ka adlaw nakabakal sya sang isa ka family car o salakyan nila sa pamilya sang pagpuli niya isa ka adlaw ang iya bata nga apat ka tuig ara sa garahi nila kag may ginakapyutan na lansang kag sa wala sang buot gin kurit kuritan niya ang salakyan sang iya amay.  Sang ginpangita sya sang iya amay nakibot ini nga ang iya bata ara sa salakyan kag ginakuritan ang salakyan nila.  Sa iya nga kainit nag kwa ini sang kahoy kag ginhampak ang kamot sang bata niya.  Naguntat lng sya sang paghampak sang kamot sang bata niya sang nakita niya nga ini gadugo na. Dali-dali sya nga nag sakay sa iya salakyan kag nag pa Hospital. gapangayo sya patawad sa iya nga bata samtang ginadala ya ang iya bata sa hospital. Sang ara na sila sa hospital antis sila magwa sa salakyan hambal sang iya nga bata nga tatay nag draw ko sa aton salakyan. sang nakita sang amay ang nakasulat nag hibi ini kay ang nakasulat "I Love You Daddy". Ka isa sa aton nga kabuhi nalimtan naton nga kita gaobra para sa aton pamilya. Indi nga ang Pamilya magaobra kag uliponon sang manggad sining kalibutan.

Ang pina ka importanti sa tanan nga butang amo ang pamilya. Wala na sang iban, kabay nga ang Dios sentru sang aton nga pagtoo.