Para sa akon mga kaabyanan indi imposibli na makaagum kita balay kag duta, naga isturya ko sa temporal nga butang. Gaan ta kamo mga tips nga makabulig man sa inyo:
1. Organisado
Halimbawa ang isa ka tao na makita ko ang bag ya na organisado wala ga balinsuli ang mga notebook kag libro isa nga nagapakita lang na kabalo sya mag tipig. Amo man sa study table kung ang mga libro na plastar sa sakto ang akon gani ang mga libro ginabutang konasa drawer ang makita lang sa babaw lamisa isa ka frame nga may picture ukon scripture.
Isa pa ka halimbawa sang pag ka organisado, amo ang kung tandugon mo ang gamit ya mabal-an ya kung may nag tandog sang iya nga gamit. Organisado sa gwa kag sulod, sa gwa amo ini ang makita naton balay, bayo, pagkabutang. Sa sulod amo ang aton nga kaugalingon. Pamatasan nga kabalu ang sakto nga oras mag bugtaw, pagtulog, tion sa pagkaon, tion sa pag obra kag iban pa.
2. Mangin matinlo
Isa sa mga nakita ko ang katinlo, isa ka manami nga butang kay nagapati ako na ang katinlu nagabulig sa aton na mangin matuwhay ang aton mga pamatyagan, indi bala na ang bayo mo subong bayuon mo man sa masunod na adlaw waay na laba-laba kalain naya, espisyali sa mga babahe-syempre lang nuh? Lantawon ta bala na pag puli ta sa balay, pag abri ta sang gate ang ubsaran palang tinlo puno sang tanum, pag sulod sa sala tinlo waay kalat, pag sulod sa kwarto pag kahigda ka tawhay ang pamatyagon tungod sang katinlo.
Indi buot silingon pigado lang kami ya waay kami ibakal sang madamo na bayo,o hindi man ni kungkrito balay namon. Sa pagkamatuod bala indi na ya rason, madamo man ko nakita na gamay lang ang balay pero tinlo man, kung naga skwela naman nga duha lang uniform mo pwede na uba laba, importante na tinlo.
3. Nagaplano sa Palaabuton
May ginatawig gani nga small and long term goal. Ang short term goal amo na bala halimabawa ya mabakal ko bwas sang bayo sa relipan, pag ka aga nakabakal. importanti man na ilista naton ang aton plano kag san-o ini naton ma himo nga piyetsa dapat nga preparahan man.
Tapos sa masunod naman na tion gaplano ka na mabakal sang sapatos nga isa ka libo ang bili, ti indi na mabakal bwas daun kung waay ka isa ka libo ti mahimo anay na mag supot kag mag obra siguro isa ka bulan. Sa sunod naman mabakal sang Cell phone nga balor anum ka libo ti makwa na guro tatlo ka bulan o anum ka bulan.
Ang mga long term naman amo na ang balay kag duta kung regular lang ang sahod supot-supot eh, halimbawa plano ka na taga simana mabakal ko hollow blocks napulo ka bilog o biyente. lantawa bala sa biyente ka bilog sa tagsa ka simana may ara na utsiyenta sa isa ka bulan, sa sulod sang tatlo ka bulan 240 na tanan. Sa sulod naman nga tatlo ka bulan mabakal naman simento kag kabilya. Sa isa ka tuig may CR kana o banyo nga manami.
Amo na bala ara lang na sa aton ang sapat wala kita dapat saligan kundi kita kay ginhatagan kita sang dios sang duha ka kamot na mag-obra , kay sa malabi bala mas daku pa gina gasto ta sa mga indi man importante nga butang.
Tani may natun-an kamo sa akon nga natun-an man sa kabuhi, nga gina aplikar ko man. Kabudlay na maghambal kita na waay ta man ginapangabuhi. Ang himuon ta? suguran ta ang mga hapos na mga butang kag lantawa ang resulta.
No comments:
Post a Comment